න්‍යෂ්ටික අනතුර ඇතිවීම සඳහා බලපෑ මූලික හේතුව වෙනස්‌ වුවත් යුක්‌රේනයේ චර්නොබිල් බලාගාරයේ අනතුර සිදුවී තිබෙන්නේ ද ෆුකුෂිමා බලාගාරයේ මෙන්ම එහි සිසිලන පද්ධතිය ක්‍රියාවිරහිතවීම හේතුකොට ගෙනය. ජපානයේ ෆුකුෂිමා න්‍යෂ්ටික බලාගාරයේ සිසිලන පද්ධතිය සුනාමිය හේතුකොට ගෙන ක්‍රියාවිරහිත වී ඇති අතර යුක්‌රේනයේ චර්නොබිල් න්‍යෂ්ටික බලාගාරයේ සිසිලන පද්ධතියේ ක්‍රියාකාරීත්වය සිතාමතාම ක්‍රියාවිරහිත කොට ඇත. ඒ හදිසියකදී විදුලිය ඇනහිටීමකින් සිසිලන පද්ධතිය ක්‍රියාවිරහිත වුවහොත් කෙසේ ක්‍රියා කළ යුතුද යන්න පිළිබඳ සිදු කළ පෙරහුරුවක්‌ සඳහාය.
චර්නොබිල් න්‍යෂ්ටික බලාගාරයේ මෙන්ම පුකුෂිමා බලාගාරයේද සිදුවූ දෙය පිළිබඳ දල
අදහසක්‌ හෝ ලබාගැනීම සඳහා එබඳු බලාගාරයක ක්‍රියාකාරීත්වය කෙබඳු ද යන්න කෙටියෙන් හෝ
විමසා බැලිය යුතුය. 
එ ආකාරයට යුක්‌රේනයේ චර්නොබිල් න්‍යෂ්ටික බලාගාරය සිසිල් කිරීම සඳහා ස්‌ථාපිත කර තිබූ සිසිලන පද්ධතිය බට 1600 කින් සමන්විත වී ඇත. ඊට අමතරව තවත් බට ද එ සඳහා යොදාගෙන ඇත. එම එක්‌ බටයක්‌ හරහා පැයකට ජලය ලීටර් 28,000 ක් ගමන් කරන බව වාර්තා වේ. මෙලෙස එක්‌ බටයකට පැයකට ජලය ලීටර් 28,000 බැගින් බට 1600 ක් ඇතුළු සිසිලන පද්ධතිය ක්‍රියාත්මක කිරීම සඳහා මෙගා වොට්‌ 5.5 ක විදුලිබලයක්‌ ද අවශ්‍ය වී තිබේ.
එලෙස සපයන විදුලිය ඇනහිටියහොත් සිසිලන පද්ධතියත් ක්‍රියාවිරහිත වන ආකාරයට තමයි එම න්‍යෂ්ටික බලාගාරය නිර්මාණය කරල තිබෙන්නේ. හදිසි විදුලි ඇනහිටීමකදී කෙලෙස ක්‍රියා කළ යුතුද යන්න පිළිබඳ සලකා බැලීම සඳහායි විදුලිය සැපයුම නතර කොට තිබෙන්නේ. නමුත් එ සඳහා එම බලාගාරයේ සැලසුම් ශිල්පියාගෙන් හෝ විද්‍යාත්මක කළමනාකරුගෙන් අවසර ගෙන නැහැ. එම පර්යේෂණය සිදු කර තිබෙන්නේ එම ආයතනයේ අධ්‍යක්‍ෂගේ අවසරයෙන් පමණයි.
එම තීරණයට අනුව විදුලිය විසන්ධි කළත් බලාගාරයේ නිපදවන න්‍යෂ්ටික ශක්‌තිය පාලනය කරගත නොහැකි වී තිබෙන අතර, මෙම නිසා බලාගාරයේ ශක්‌තිය පිටවීම වැළැක්‌වීම සඳහා යොදා තිබූ මිනිරන් ආවරණය ගිනි ගෙන පුපුරා ගොස්‌ තිබෙනවා. එම පිපිරීමත් සමග මිනිරන් දූවිලි න්‍යෂ්ටික විකිරණශීලී ද්‍රව්‍යයන් සමග අහසට එක්‌වී ඇත. මෙම විකිරණශීලී ද්‍රව්‍ය බටහිර රුසියාවේ සහ යුරෝපයේ ප්‍රධාන වශයෙන් පැතිරී ගොස්‌ තිබෙනවා. පසුව සිදු කරන ලද පර්යේෂණ මගින් තහවුරු වී තිබෙන්නේ මිනිරන් ආවරණ ආරක්‍ෂා කිරීම සඳහා තවත් ඝන ද්‍රව්‍යයකින් ආවරණයක්‌ යොදා තිබුණේ නම් හානිය මීට වඩා අවම කරගැනීමේ හැකියාව තිබූ බවයි.
එය එසේ වුවත් මෙම අනතුරට ප්‍රධාන හේතුව වූයේ පෙරහුරුවේදී සැලසුම් කළ පරිදි විදුලිය
විසන්ධි කළ කාලය තුළදීත් න්‍යෂ්ටික ශක්‌තිය ජනනයවීම සහ යළි විදුලිය සැපයුවත් එය යථා
තත්ත්වයට පත් නොවී බලාගාරය පුපුරා යැමයි. මෙම පුපුරා යැම මගින් ටී.එන්.ටී. ටොන් 10
ක ශක්‌තිය නිකුත් වී තිබෙනවා.මෙම න්‍යෂ්ටික අනතුර මගින් සෘජුවම 31 දෙනකු මරණයට පත්වූ බව එවකට බලයේ සිටි සෝවියට්‌ ආණ්‌ඩුව පිළිගෙන තිබෙනවා. නමුත් මෙම අනතුරත් සමග සෝවියට්‌ දේශයේ න්‍යෂ්ටික බලාගාර පිළිබඳ නැවත සමාලෝචනය කිරීමට මෙන්ම එතෙක්‌ න්‍යෂ්ටික බලාගාර සම්බන්ධයෙන් පවත්වාගෙන ගිය රහස්‍යභාවය තරමක්‌ දුරට හෝ අවම කිරීමටත් සෝවියට්‌දේශයට සිදුවී තිබෙනවා.
එම බලාගාරයේ කාර්ය මණ්‌ඩලය, ගිනි නිවන භටයන් මෙන්ම එම හදිසි අවස්‌ථාවේ සේවය සඳහා
යෙදවූ පුද්ගලයනුත් එම අනතුර සිදුවූ අවස්‌ථාවේ එය නැරැඹීම සඳහා ගිය පුද්ගලයනුත්
මියගිය පිරිසට අයත් වනවා.
මෙම විනාශය සිදුවී වසර 26 ක් පමන ගත වුවත් මෙබඳු අනතුරුවලින් තොරව න්‍යෂ්ටික බලය යොදා ගන්නේ කෙසේද කියන කරුණ පිළිබඳ අවධානය දැඩිව යොමු කළ යුතු වනවා.
